ပေါင်မုန့်ထဲမှာ အစေ့အဆံလေးတွေ ပါခဲ့မယ်ဆိုရင်

Multi-seed bread ဆိုတာ အနောက်နိုင်ငံတွေမှာ အရမ်းကို အစားများတဲ့ ပေါင်မုန့်တစ်မျိုးပဲ ဖြစ်ပါတယ်။ အစေ့အဆံလေးတွေ အများကြီးပါပြီး နူးညံ့တဲ့ အညိုရောင် ပေါင်မုန့်လေး ဖြစ်ပါတယ်။ ဒီပေါင်မုန့်ကို စားမယ်ဆိုရင်တော့ ဂျုံချောပေါင်မုန့်တွေထက် ကျန်းမာရေးကို အများကြီး အထောက်အကူပေးပါတယ်။

✌✌ ကယ်လိုရီ လုံးဝမတက်

သင်ဟာ တစ်နေ့ကို ကယ်လိုရီ၂၀၀၀ ပဲပါတဲ့ diet ကို လုပ်နေတယ်ဆိုရင်တောင် multi-seed bread ကို စိတ်ချလက်ချ စားလို့ရပါတယ်။ ဘာလို့လဲဆိုတော့ multi-seed bread တစ်ချပ်ဟာ ကယ်လိုရီ၆၉ပဲ ပါဝင်လို့ပါ။

✌✌ အမျှင်ဓာတ်တွေ အများကြီး

Multi-seed bread တစ်ချပ်မှာ fiber 1.9 g ပါဝင်နေပါတယ်။ ဝမ်းဗိုက်ကျန်းမာရေး အတွက် ကောင်းမွန်စေမှာဖြစ်ပြီး ဆီးကျိတ်ကင်ဆာ မဖြစ်အောင်လည်း ကာကွယ်ပေးမှာပါ။

✌✌ ကြွယ်ဝတဲ့ Manganese

သင့်ရဲ့ တစ်နေ့တာလိုအပ်တဲ့ manganese ပမာဏရဲ့ ၂၆% ကို multi seed bread တစ်ချပ်က ပေးနိုင်ပါတယ်။ လိုအပ်တဲ့ manganese မရရှိဘူး ဆိုရင် ညဘက်မှာ သာမန်ထက် အမြင်အာရုံချို့ယွင်းနိုင်တာတွေ ဖြစ်တတ်ပါတယ်။

✌✌ ရောဂါတွေကို ကာကွယ်စေ

ဒီပေါင်မုန့်ဟာ cholesterol နည်းပါးတာကြောင့် သွေးပျစ်ခဲခြင်း လေဖြတ်ခြင်း နှလုံးတိုက်ခိုက်ခံရခြင်း နှင့် ဆီးချိုဖြစ်ခြင်းတို့ကို ကာကွယ်ပေးပါတယ်။

အခုဆိုရင် ကျန်းမာရေးအသိ မြင့်မားလာတဲ့ မြန်မာနိုင်ငံမှာလည်း အစေ့အဆံပေါင်မုန့်ညိုလေးတွေကို ရွေးချယ်စားသုံးနေကြပါပြီ။ မင်မင်လည်း ဝိတ်ထိန်းနေတဲ့ အချိန် ပေါင်မုန့်ကလည်း မဖြတ်နိုင်တော့ ဒီလို ကျန်းမာရေးနဲ့ ညီညွှတ်တဲ့ ပေါင်မုန့်ကိုပဲ ရွေးစားရတော့တာလေ။